Исатай ауданында Қамысқала ауылдық округі әкімінің сайлауына тұрғындар белсенділікпен қатысуда.

Олардың ішінде ауылдың үлкендері де бар. Солардың бірі  сексеннің  сеңгіріне шыққан кейуана Жұпар Мұханбетова саяси науқан кезінде таңдау жасап, дауыс беру әр адамның азаматтық парызы деген пікірде.

- Бүгінгі сайлау біздер үшін маңызды. Ауылымыздың әкімін бір ауыздан сайлап, ауылдың кемел келешегін жаңа басшыға сеніп тапсырмақпыз. Сондықтан да сайлаудан тысқары қалмай өз дауысымды беруге келдім. Әр тұрғын өткізіліп жатқан сайлаудың маңыздылығын түсініп, таңдауды дұрыс жасайды деген сенімдемін, - дейді Жұпар есімді кейуана.

Айта кетейік, Қамысқала ауылдық округінің әкімін сайлау жалғасуда. Тұрғылықты мекен-жай бойынша №128, №129 сайлау учаскелері тұрғындар үшін жұмыс жасауда.

Әділбек СЫРЫМОВ