Аққыстау ауылында «Атамекен» ұлттық кәсіпкерлік паластасының қолдауымен «Мөлдір» сұлулық салоны ашылды.
Кәсіптің нәсібін көруге ие болған «Мөлдір» сұлулық салонының иесі Зоя Әженованың қуанышында шек жоқ. Өйткені, салтанатты ашу рәсіміне Аққыстау ауылдық округінің әкімі Ғаділ Боранбаев және «Атамекен» ұлттық кәсіпкерлік палатасының өкілдері қатысып, ыстық ықыластары мен қолдауларын білдірді. Шара барысында салонның салтанатты түрде лентасы қиылып, келген қонақтар шашуын шашып, жүрекжарды тілектерін арнады. Ұлттық кәсіптің дамуына деген үлес қосқандары үшін аудандық маслихат депутаты Нұрым Мусин өзінің алғыс хатын табыстап, ашқан кәсіптерінің берекесін тіледі.
Еркебұлан ЗИНЕДЕНОВ
