Жасы сексенге тақаған аққыстаулық әжей Алма Мамаева сайлау учаскесіне аяқтай келіп дауыс берді.
Аққыстау ауылындағы 139-сайлау учаскесінде өз таңдауын жасаған әжені әңгімеге тартып көрдік. Ойын ашық жеткізген анамыз көзі ашық, көкірегі ояу, дені сау азаматтардың сайлаудан қалыс қалуын қате деп санайды.
- Жасым сексенге жақындаған зейнеткер болсам да, елдің жоғын жоқтайтын азаматтарды анықтау мақсатында болып жатқан саяси науқанға үн қосуға келдім. Ал, дауыс беруге қатыспау дұрыс емес сияқты. Өйткені, әр азамат өз елінің дамуына үн қосуы қажет деп есептеймін, - дейді ол.
Айта кетейік, Аққыстау ауылындағы 139-сайлау учаскесінде 1542 сайлаушы тіркелген.
Серікбол ПАНАБЕРДИЕВ
