Шебердің шеберлік сабағы

Жуырда Х.Ерғалиев ауылында Елбасының Жолдауын түсіндіру бағытында үкіметтік емес ұйымның мүшелері бас қосты.

Сол жиынға қатысқандардың бірі «Аналар үндестігі» үкіметтік емес ұйымның төрайымы Гүлсім Хантөреқызы рухани жаңғыру бағытына тоқталып, өзінің 50-ге келіп, тігін өнерімен айналысуды бастағанын, қай өнерді де болмасын білем деген адамға кеш болмайтынын атап өтіп, еңбекті сүюге ерінбей тер төгуге шақырды.

Өз кезегінде ауылдастарға бұл шақырудың әсері болмай қалмады. Жиын біте сала, тігіп, пішудің жолын білгісі келген жиынға қатысушылардың бірқатары Г.Биташевадан келесі жолы шеберлік сағатын өткізуді сұрағаны бар. Халықтың сұрағына жауап беріп, уәде еткен Г.Биташева тамыздың соңғы күні ауылға келіп шеберлік сағатын өткізіп, білсем деген құлшынысы бар 5-6 қыз-келіншекке тігіп-пішудің қыр-сырын үйретті. Қатысушылар әкелген маталарына сай өздеріне ұнаған көйлек, кәжекей, белдемше тікті. Ақылы түрде өткен шеберлік сабағы қатысушылардың көңілінен шықты.

 

Анаргүл ҚҰСАЙЫНОВА

ФОТОГАЛЕРЕЯ

БІРІҢҒАЙ МЕМЛЕКЕТТІК БАЙЛАНЫС

Aqprint

Байланыс номерi :     +7 702 132 03 32      +77122458521