Шектеу шарасын сақтамағандарға шара алынуда

Исатай ауданы аумағында карантиндік шектеу шараларының сақталуын тексеру жұмыстары жалғасуда.

Арнайы құрылған мониторингтік топ азық-түлік сауда орындарының санитарлық нормаларға сәйкестігін күндіз тексерсе, кешкісін сағат 21.00-ден кейін дүкендердің уақытылы жабылуы және 23.00-ден кейін көшеде автокөліктер мен тұрғындардың бейсауат жүрмеуі қатаң қадағалануда.

2

«Біз халықтың карантиннен шаршағанын түсінеміз. Алайда, күнбе-күнгі қатаң қадағалаудың арқасында ғана аталған ауру бәсеңдеп, таралу деңгейі төмендеп келеді. Ауданымыз өндірісті өңір әрі күрежол бойында болғандықтан, келіп-кетушілер де көп. Сондықтан, мұндай рейдтердің маңызы жоғары. Бұл - ең алдымен, тұрғындардың денсаулығы үшін қажет. Сондықтан да аудан халқын карантиндік шараларды қатаң сақтауға шақырамыз, - дейді мониторингтік топ мүшесі Нұрберген Өтегенов.

Ал, аудан әкімінің баспасөз қызметінің мәліметінше, карантиндік нормаларды бұзған 2 кәсіпкерге 638 мың теңге айыппұл салынса, құдалық өткізгені үшін Аққыстау ауылының бір тұрғыны да жауапкершілікке тартылған.

28reid

Сондай-ақ түнгі 23.00-ден кейін көшеде жүргені және маскалық режимді сақтамағаны үшін 40-тың үстінде тұрғыннан аудандық полиция бөлімі қызметкерлерімен түсініктеме алынған. Одан әрі жаза кесу мәселесін өкілетті орган қарастырады.

Аслан МҰРАТОВ

COVID 19

covid

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21