Бүгін аудандық Жалын мәдениет үйінде Исатай ауданының мәслихат депутаттары Тұщықұдық ауылдық округінің әкімін сайлады. ​ ​ ​ ​

​Осыған дейін аудандық газет арқылы аталған округ әкіміне үміткерлер өз сайлауалды бағдарламасымен депутаттарды және қалың көпшілікті​ таныстырған еді.​ Бүгінгі сайлауға 10 депутаттың 9-ы қатысып, өз таңдауын жасады. ​ ​​ ​ ​ ​ ​​ ​ ​ ​

Сонымен, халық қалаулыларының басым дауысын жинап, Тұщықұдық ауылдық округінің әкімі болып Айбатыр Бекішұлы сайланды.​

Айбатыр Бекішұлы 1975 жылы Исатай ауданы, Жанбай селосында дүниеге келген. ​

Білімі - жоғары. 2001 жылы Х.Досмұхамедов атындағы Атырау мемлекеттік университетін тарих пәнінің мұғалімі мамандығы бойынша бітірген.

Еңбек жолын 1996 жылы Забурын совхозында жұмысшы болып бастаған.

2001-2007 жылдары Хамидолла Наубетов атындағы орта мектебінде тарих пәнінің мұғалімі;

2007-2009 жылдары Жанбай селолық мәдениет үйінің директоры;

2009-2015 жылдары Ю.Гагарин атындағы орта мектептің директоры;

2015-2017 жылдары Абай атындағы орта мектептің директоры;

2017-2019 жылдары Исатай аудандық білім бөлімінің басшысы;

2019 жылдан бастап «Nur Otan» партиясы Исатай аудандық филиалы төрағасының бірінші орынбасары қызметін атқарады.