Исатай ауданының орталығында «Теңізшевройл» ЖШС-нің өндіріс қуатын кеңейту жобасы аясында жиын өтті.

Мақсаты - жұмыссыз азаматтарды мамандықтары бойынша оқуға шақыру. Облыстық жұмыспен қамтуды үйлестіру және әлеуметтік бағдарламалар басқармасының ұйымдастыруымен өткен шарада, ағаш сатылы монтаждаушы, құрылыс конструкциясының дәнекерлеушісі, темірбетонды конструкция монтаждаушы, құбырмонтаждаушы, электромонтаждаушы, бақылау-өлшеу құралдарының автоматикасы және жұмысшы (оқшаулаушы, арматуршы, бетоншы) мамандықтарының тізбегі бар.

Аталмыш жиынды аудан әкімінің орынбасары Е.Абилхасимов ашып, болашақ маман иелеріне сәттілік тіледі. Қатысқан 69 үміткер алдын – ала әрбір мамандық бойынша тест тапсырып, құжаттарын ұсынды. ТШО өкілдері жақсы нәтише көрсеткен азаматтарды оқуға шақыру туралы хабарлама беретіндігін айтты.

Г.ЖАЛБИРОВА,

Исатай аудандық халықты жұмыспен қамту орталығының маманы