Таяуда ғана Махамбет ауданында ауыл спортының жанашыры, білім беру саласының үздігі Марат Амановты еске алуға арналған волейболдан 2012-2013 жылы туған жасөспірім қыздар арасында облыстық турнир өткен болатын.
Аталған шараға біздің аудандық балалар-жасөспірімдер спорт мектебінен 12 оқушы қатысып, жүлделі екінші орынға ие болды. Сондай-ақ Гүлім Жанайдар «Үздік байланыстырушы», Жандос Рысқалиев «Үздік төреші» номинацияларына ие болды.
-Жарыс әділ өтті. Оқушыларымыз жақсы дайындықпен барды. Осы жарысқа қатысуға рұқсат беріп, оқушылардың спортқа деген ынталарын өшірмей, балаларды қолдап, бізбен бірге болғандары үшін ата-аналарға көп рақметімізді айтамыз. Ең бастысы, оқушыларымыз риза,- дейді жаттықтырушы Азамат Сұңғатов.
Жұлдыз СЕМБИЕВА
