Оқушылардың ойын байытып, ізденісін шыңдауда түрлі тақырыптарда, түрлі деңгейде ұйымдастырылып жататын пікірсайыс атаулының алар орны ерекше екені ақиқат.
Осындай құптарлық қадамдарды бүгінде ауданның әр мектебінің тыныс-тіршілігінен де аңдауға болар еді. Ал сол шаралардың нәтижесі де көңіл қуантарлық. Соның бір дәлелі - жуырда құрамына Жұмабай Мырзағалиев атындағы орта мектептің оқушылары Жолдас Меруерт, Утегенқызы Аружан және Салхаден Жарқын сынды талапты шәкірттер енген «BRATZ» дебат фракциясының республикалық дебат пікірсайыс турнирінің облыстық кезеңінде жеңімпаз атануы. Сөйтіп мектебінің де мерейін үстем қылып, ұстаздардың да үмітін ақтай білген шет тілі пәнінің мұғалімі, жас ұстаз Еркеназ Рахатқызы жетекшілік ететін талапты шәкірттер қазан айында өтетін республикалық кезеңге жолдама алды.
