Жаңа Жанбайға жаңадан жол төселді. Жалпы ұзындығы 4,2 шақырымды құрайтын оның 3,2 шақырымы - ауылішілік жол да, ал қалған 1 шақырымы Нарын мен Жаңа Жанбай елді мекендерінің екі арасын жалғап жатыр.
Аудандық тұрғын үй-коммуналдық шаруашылығы, жолаушылар көлігі және автомобиль жолдары мемлекеттік мекемесінің тапсырысына сай жүзеге асқан бұл жұмысты мердігер мекеме «Атырауинжстрой» ЖШС-і жүзеге асырды.
Тапсырыс беруші мекеме басшысының уақытша міндетін атқарушы Шаяхмет Жалғастың айтуынша, қаржыландыруға байланысты биыл жолға ірі қайыршақ тасты қабаты төселген. Жалпы құрылыс-монтаж жұмыстары құны 564,3 млн. теңге. Жолдың ұсақ қайыршақты қабатын төсеу алдағы жылы жүзеге асып, толық пайдалануға берілмекші.
Жоламан ДӘУЛЕТИЯР.
