Исатай ауданы Төтенше жағдайлар бөлімінен ескерту
Жаңа жыл – әрбір отбасы үшін қуаныш пен мерекеге толы ерекше кезең. Алайда мерекелік көңіл күймен қатар, қауіпсіздік талаптарын сақтау аса маңызды. Осыған байланысты Исатай ауданының Төтенше жағдайлар бөлімі тұрғындарды Жаңа жыл қарсаңында және мұз айдындарында демалу кезінде төмендегі қауіпсіздік шараларын қатаң сақтауға шақырады.
Жаңа жыл қарсаңындағы қауіпсіздік талаптары
Мереке күндері өрт және жарақат алу қаупі арта түседі. Сондықтан:
- Шыршаны тек зауытта жасалған, жарамды электр шамдарымен безендіріңіз;
- Электр сымдарының бүтіндігіне назар аударыңыз, ақаулы шамдарды қолданбаңыз;
- Шыршаны пештерге, жылыту құрылғыларына және тез тұтанатын заттарға жақын қоймаңыз;
- Пиротехникалық бұйымдарды (отшашу, петарда) тек рұқсат етілген орындарда, нұсқаулыққа сай қолданыңыз;
- Балалардың пиротехниканы өз бетінше қолдануына жол бермеңіз;
- Үйден шығарда электр құралдарын сөндіріп, газ құрылғыларын тексеруді ұмытпаңыз.
Мұз айдынындағы қауіпсіздік талаптары
- Қыс мезгілінде мұз айдындары мен су айдындарының бетінде сырғанау кезінде де аса мұқият болу қажет:
- Тек арнайы жабдықталған және рұқсат етілген мұз айдындарында сырғанаңыз;
- Мұздың қалыңдығы жеткіліксіз жерлерге шықпаңыз (мұз қалыңдығы кемінде 10–12 см болуы тиіс);
- Балаларды ересектердің бақылауынсыз мұз айдынына жібермеңіз;
- Сырғанау кезінде бір-бірін итеруге, қауіпті ойындар ойнауға тыйым салынады;
- Мұз жарылған немесе сықырлаған жағдайда дереу қауіпсіз жерге шығыңыз;
Төтенше жағдай туындаса, 112 нөміріне хабарласыңыз.
Қауіпсіздік талаптарын сақтау – әрбір азаматтың жауапкершілігі. Исатай ауданының Төтенше жағдайлар бөлімі тұрғындарды мерекені аман-есен, жарақатсыз және төтенше жағдайсыз өткізуге шақырады.
Өзіңізді және жақындарыңызды қорғаңыз – қауіпсіздік ережелерін сақтаңыз!
Ахбалин Ахат Наурызғалиұлы,
Исатай ауданы Төтенше жағдайлар бөлімінің бастығы, азаматтық корғау полковнигі
