Қазіргі кезеңде дүние жүзі жаңа тарихи дәуірге аяқ басты. Мемлекет басшысы Қасым-Жомарт Тоқаев өзінің Жолдауында атап өткендей, бұл дәуірдің барша адамзат үшін жеңіл болмайтыны айқын. Оның басты ерекшелігі – өзгерістердің бұрын-соңды болмаған қарқында жүруі. Әлем бір мезетте әлеуметтік, экономикалық және технологиялық тұрғыдан түбегейлі трансформациядан өтуде. Ғылым мен цифрлық технологиялар көз ілеспес жылдамдықпен дамып, күнделікті өмірдің барлық саласына еніп жатыр. Дегенмен мұндай үдерістердің көлеңкелі жағы да бар – халықаралық қатынастарда тұрақсыздық артып, геосаяси қақтығыстар шиеленісіп, мемлекеттер арасындағы сенімге селкеу түсуде.
Осындай жағдайда әрбір ел өз даму стратегиясын қайта ой елегінен өткізуге, ұлттық мүддесін жаңа шындыққа сай қорғауға мәжбүр. Әрбір азамат та өзгерістерге бейімделуге, жаңа білім мен дағдыларды игеруге дайын болуы тиіс. Өйткені бұл дәуір – тек сынақтардың емес, орасан зор мүмкіндіктердің де дәуірі.
Сын-қатер мен мүмкіндік қатар келген шақта адамзаттың болашағы тек бірлескен күш-жігерге, жаһандық ынтымаққа және тиімді саясатқа байланысты болмақ. Демек, қазіргі дәуірдің ең басты талабы – уақытпен үндесе отырып, ортақ құндылықтарға сүйеніп, жаңаша ойлау.
Айгүл АДИЛОВА,
Зинеден ауылдық округінің әкімі
