Өткен аптада аудандық білім бөлімінің бастамасымен Абай атындағы орта мектепте «Үздік тарихшы - 2019» атты байқауы өткізілді.
Байқаудың мақсаты- оқытудағы озық әдіс-тәсілдерді насихаттап, мұғалімдердің кәсіби біліктілігін көтеру арқылы бүгінгі заман талабына сай мәртебесі биік тұлғаны қалыптастыра отырып, оқушылардың білім деңгейін көтеруге жұмыстанып жүрген озық тәжірибелі ұстаздарды анықтау. Міндеті - шығармашылықпен жұмыс жасайтын мұғалімдерді анықтау, олардың іс-тәжірибесін қолдау және насихаттау, кәсіби шеберлікті арттыру, озық іс-тәжірибелерді іс жүзінде жүзеге асыру, педагогтардың кәсіби әлеуетін жандандыру.
10 орта, 1 негізгі мектептен 15-тен аса мұғалім қатысқан байқауды аудандық білім бөлімінің әдістемелік кабинет меңгерушісі Ерлан Махсотов кіріспе сөзбен ашып, шараны өткізудің негізгі мән-мақсатына тоқталды. Нәтижесінде қазылар алқасының ұйғарымымен Ж.Мырзағалиев атындағы орта мектептен Алтынай Тілекқызы бірінші орынды иеленіп, облыстық байқауға жолдаманы жеңіп алды.
Материалдың толық нұсқасын газеттен оқи аласыздар
