Атырау облысында 2024 жылдың 1 қаңтары мен 27 наурыз аралығында алғашқы диагнозы бойынша көкжөтелге күдікті 56 жағдай тіркелді

(Атырау қаласында – 54 жағдай,Индер ауданында-1 жағдай,  Құрманғазы ауданында- 1 жағдай).

            Олардың ішінде:

-52 жағдайда көкжөтел зертханалық жолмен дәлелденді;

-4  жағдайда зертханалық тексеру қорытындысы теріс нәтиже берді;

Зертханалық жолмен дәлелденген 52 жағдайлар бойынша:

            Аймақтық бөлінісінде:

Атырау қаласында- 51 жағдай;

Индер ауданы – 1 жағдай;

Көкжөтел – бұл көбінесе балаларда байқалатын және белгілі бір клиникалық көрінісі мен белгілері бар инфекциялық ауру. Көкжөтелдің ерекшелігі – тыныс алу функциясының бұзылуы және аурудың дамуы кезінде тыныс алу жолдарының шырышты қабаттарының зақымдануы.

Жиі асқынулар екі жасқа дейінгі балалар мен қарт адамдарға анағұрлым тән. Алайда, кез келген жаста ауру әл-ауқатты едәуір нашарлатуы мүмкін, сондықтан көкжөтел белгілері мен инфекцияны жұқтырудың алдын алу әдістерін білу маңызды.

Көкжөтелдің белгілері жоғары тыныс жолдарының бактериялық инфекциясына ұқсас:

- дене қызуының +38°С-қа дейін көтерілуі, қалтырау;

- әлсіздік, бұлшықеттердің «сырқырауы», бас ауруы;

- мұрын жолдарынан ағу, мұрынның бітелуі, құрғақ жөтел, шырышты қабықтың ісінуі.

Қоздырғыштың берілуі инфекция жұқтырған адаммен тығыз байланыста болған кезде ауа-тамшылы жолмен жұғады. Ауру адам аурудың айқын сатысы басталғаннан кейін 30 күн ішінде алғашқы патологиялық көріністерден инфекцияны тарата алады. Жөтелдің қарқындылығы сияқты белгі биологиялық сұйықтықтағы (сілекей, шырышты қақырық) қоздырғыштың таралу дәрежесімен байланысты.

Көкжөтелге қарсы негізгі алдын алу шарасы вакциналау болып табылады. Қазақстан Республикасының Ұлттық егу күнтізбесіне сәйкес балаларға екпе егу бір мезгілде тиісінше 5-6 аурудан: дифтериядан, сіреспеден, көкжөтелден, полиомиелиттен, В типті гемофильді инфекциядан және В гепатитінен қорғайтын құрамында АбКДС бар бес және алты компонентті құрама вакциналарды қолдана отырып жүргізіледі. Көкжөтелден барынша қорғау үшін балаларға 5 екпе алу қажет, оның ішінде 2 айдан бастап 1 ай аралығымен 3 екпе, содан кейін бірінші ревакцинация бір жарым жаста, екінші ревакцинация 6 жаста жүргізіледі.

Балаңызды иммундауды кешіктірмеңіз! Оның денсаулығы – сіздің қолыңызда!

Уразғалиев Қадыржан Мақсотұлы

Атырау облысының санитариялық-эпидемиологиялық

бақылау департаменті басшысының міндетін атқарушысы