Санитарлық-эпидемиологиялық бақылау департаментінің бастығы қызметіне Мәдениет Танауов тағайындалды, - деп хабарлайды "Ақ Жайық".
М.Танауов 1971 жылы туған, 1997 жылы С.Д.Асфендияров атындағы ҚазҰМУ санитарлық-гигиеналық факультетін бітірген. Бұған дейін ол Орал қаласының бас санитариялық дәрігері болып жұмыс істеген.
Басылым мәліметінше, М.Танауовқа дейін бас санитариялық дәрігер болған Амантай Жұмағалиев бұрынғы қызметіне, Атырау облысы бойынша санитариялық-эпидемиологиялық бақылау департаменті бастығының орынбасары қызметіне оралған.
COVID-19 пандемиясы басталғаннан бері Атырау облысында сегізінші рет бас санитариялық дәрігер ауысқаны атап өтілді.