Атыраулық 14 дәрігер кәсіби борышын өтеп жүріп, өмірден өтті

“Пандемия кезінде қайтыс болған медицина қызметкерлерінің туыстарына 10 миллион теңге көлемінде ақшалай өтемақы төленді” деп хабарлайды Атырау облыстық денсаулық сақтау басқармасының баспасөз қызметі.

Бір жыл бұрынғы дерекке назар аударсақ, былтырғы 27 наурызда Атырау облысында коронавирустық инфекцияны жұқтырудың алғашқы үш жағдайы тіркелді. Жалпы, Сovid-19 пандемиясы кезінде аймақта 17,5 мыңнан астам тұрғын ауырды. Бұл туралы журналистерге берген сұхбатында Атырау облысы денсаулық сақтау басқармасының басшысы Асхан Байдуәлиев мәлім етті.

Облыстық денсаулық сақтау басқармасы басшысының айтуынша, Атырау облысында пандемия кезеңінде 1073 медицина қызметкері коронавирус жұқтырған. Арнайы комиссияның шешімімен, 777 қызметкерге 2 миллион теңге көлемінде өтемақы төленді.

- Оның ішінде 14 адам, өкінішке қарай, кәсіби міндеттерін орындап жүріп, коронавирус жұқтырып қайтыс болды. Қайтыс болған әріптестеріміздің туыстарына 10 миллион теңгеден астам өтемақы төленді, - деді Асхан Байдуәлиев.

Сонымен қатар, мұнай компанияларының демеушілік көмегімен 60 миллион теңге көлемінде материалдық көмек көрсетілді. Бұл сома комиссияның шешімі бойынша 260 медицина қызметкері арасында бөлінді.

Айта кетейік, пандемия кезінде Атырау облысының 128 тұрғыны коронавирус індетінен көз жұмды.

Сурет: ашық дереккөзден

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика