Жыл соңына дейін 12 нысан тапсырылады. Келер жылы 2 медициналық нысан қолданысқа беріледі. Бұдан бөлек, жергілікті бюджеттен қосымша қаражаттар бөлініп, 7 медициналық нысан тапсырылды. Өңір басшысының айтуынша, дәрігер тапшылығы мәселесін шешу мақсатында мамандар тартылуда. Оларға төленетін бір реттік үстемақы 2 есеге ұлғайтылды.
«Ауылдық жерге барып жұмыс істеуге келіскен дәрігерге 10 млн, аудан орталығында қызмет етемін дегендерге 8,5 млн теңге төленді. Ал, облыс орталығында еңбек еткісі келсе, 5 млн теңге көлемінде көмек көрсетілді. Нәтижесінде осы жылы 140 астам дәрігер жұмысқа қабылданды», - деді Серік Шәпкенов.
