Энергетикалық сусындар құрамында кофеин, таурин, гуарана, қант және басқа да стимуляторлар бар, олар денеге уақытша күш-қуат береді. Алайда оларды шамамен тыс тұтыну денсаулыққа айтарлықтай зиян келтіру мүмкін.
Энергетикалық сусындардың негізгі қаупі:
- Жүрек-қан тамыр жүйесіне әсері:
- Жүрек соғысын жиілетеді;
- Қан қысымын жоғарылатады;
- Жүрек ырғағының бұзылуына әкелуі мүмкін;
- Орталық жүйке жүйесіне әсері:
- Ұйқының бұзылуы;
- Қозғыштықтың жоғорлауы;
- Стресті күшейтуі мүмкін;
- Асқазан-ішек жолдарына әсері:
- Асқазан қышқылын арттырады, гастрит пен ойық жараның дамуына себепші болуы мүмкін;
- Асқазанның тітіркенуін тудырады;
- Қант пен калорияның көптігі:
- Семіздікке және қант диабетінің даму қаупіне әкелуі мүмкін;
- Тіс эмалін зақымдайды;
- Тәуелділік қаупі:
- Үнемі тұтыну кофеинге тәуелділікке әкелуі мүмкін;
- Энергетикалық сусындарға дағдылану нәтижесінде табиғи энергия деңгейі төмендейді;
Кімдерге энергетикалық сусындарды тұтынуға болмайды?
- Балалар мен жасөспірімдер;
- Жүкті және емізулі әйелдер;
- Жүрек – қан тамыр аурулары бар адамдар;
- Гипертониямен ауыратындар;
- Ұйқысыздық пен жүйке жүйесі проблемалары бар адамдар;
Қауіпсіз балама:
- Табиғи шырындар мен морстар;
- Жасыл шай немесе шөп шайлары;
- Жеткілікті ұйқы және дұрыс тамақтану;
- Дене белсенділігі мен таза ауада серуендеу.
Искакова А.С
Атырау облысының санитариялық – эпидемиологиялық
бақылау департаменті басшысының орынбасары
