Қазақстан Республикасының 2020 жылғы 7 шiлдедегi № 360-VI ҚРЗ «Халық денсаулығы жəне денсаулық сақтау жүйесі туралы» Кодексінің 51-бабына сәйкес халықтың санитариялық-эпидемиологиялық саламаттылығы саласындағы бақылау мен қадағалауға жататын объектілерде қызметті жүзеге асыратын дара кәсіпкерлер мен заңды тұлғалар өндірістік бақылаудың тиімді жүйесін әзірлейді, құжатпен ресімдейді, енгізеді және жұмыс істейтін жағдайда ұстайды делінген.
Өндірістік бақылаудың мақсаты - нысанда мемлекеттік санитариялық-эпидемиологиялық нормалау жүйесі құжаттарында белгіленген талаптардың сақталуына өзін-өзі бақылауды ұйымдастыру және жүргізу жолымен өнімнің, жұмыстардың және көрсетілетін қызметтердің адам үшін қауіпсіздігін және зиянсыздығын қамтамасыз ету болып табылады.
Тiзбелерi "Халықтың санитариялық-эпидемиологиялық саламаттылығы саласындағы мемлекеттік бақылау мен қадағалауға жататын өнімдер мен эпидемиялық мәні бар объектілердің тізбесін бекіту туралы" Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-220/2020 бұйрығымен (Нормативтік құқықтық актілерді мемлекеттік тіркеу тізілімінде № 21710 болып тіркелген) бекітілген өнім мен эпидемиялық маңызы бар объектілер өндірістік бақылау (өзін-өзі бақылау) объектілері болып табылады.
Негізгі талаптар:Зертханалық зерттеулер мен сынақтарды дара кәсіпкер, заңды тұлға өндірістік зертханалар базасында не Қазақстан Республикасының сәйкестікті бағалау саласындағы аккредиттеу туралы заңнамасына сәйкес аккредиттелген зертханаларды (сынақорталықтарын) тарта отырып жүзеге асырады.
Өндірістік бақылау бағдарламасын әзірлеуді дара кәсіпкер, заңды тұлға дербес өзі немесе санитариялық-эпидемиологиялық аудитті жүзеге асыратын адамдарды тарта отырып жүзеге асырады.
Өндірістік бақылауды қамтамасыз ету дара кәсіпкерге немесе заңды тұлғаның басшысына жүктеледі. Жүзеге асырылатын өндірістік бақылаудың уақтылылығын, толықтығын және анықтығын қамтамасыз ету дара кәсіпкер немесе заңды тұлға тағайындайтын адамдарға жүктеледі.
Әзірленген өндірістік бақылау бағдарламасын заңды тұлғаның басшысымен, дара кәсіпкермен бекітіледі.
Өндірістік бақылау бағдарламасы еркін нысанда жасалады, сонымен қатар төмендегідей тізбелер айықандалады:
-жүзеге асырылатын қызметіне сәйкес нормалау құжаттарының және нормативтік техникалық құжаттардың (мемлекеттік стандарттар, тіршілік ету ортасы факторларын бақылау әдістемелері мен әдістері) тізбесін. Осы тізбе "Техникалық реттеу туралы" Қазақстан Республикасының Заңына сәйкес өзектілендіріледі;
- жеке кәсіпкерлер мен заңды тұлғалар бекітетін кәсіпорында өндірістік бақылау жүргізуді бақылау функциялары жүктелген лауазымды тұлғалар;
- медициналық қарап тексеруге, гигиеналық даярлыққа және аттестаттауға жататын жұмыскерлер лауазымдарының тізбесін;
- жеке кәсіпкер және заңды тұлға жүзеге асыратын жұмыстар мен көрсетілетін қызметтердің, шығарылатын өнімдердің, сондай-ақ адам үшін әлеуетті қауіп-қатер төндіретін және өндірістік бақылауға жататын қызмет түрлерінің тізбесін, оның ішінде «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңына сәйкес рұқсат құжаттарының болуы көзделген қызмет түрлерінің тізбесін;
- өндірістік бақылауды жүзеге асыру үшін қажетті нормалау құжаттарында белгіленген есепке алу және есептілік нысандарының тізбесін;
- химиялық заттардың, биологиялық, физикалық және өзге де қауіпті факторлардың, адам мен оның тіршілік ету ортасы үшін әлеуетті қауіп-қатер төндіретін өндірістік бақылау объектілерінің тізбесін;
- зертханалық зерттеулер жүргізу үшін сынамаларды іріктеу жүзеге асырылатын бақылау нүктелерін және сынамаларды іріктеу кезеңділігін көрсете отырып, оларға қатысты зертханалық зерттеулер мен өлшемдерді ұйымдастыру қажет бақылау нүктелерін көрсетеді. Химиялық заттардың, биологиялық, физикалық және өзге де қауіпті факторлардың тізбесін, сынамаларды іріктеу жүзеге асырылатын бақылау нүктелерін таңдауды, аспаптық және зертханалық зерттеулердің, санитариялық өңдеудің, дезинфекциялық, дезинсекциялық және дератизациялық іс-шаралардың көлемі мен кезеңділігін объектінің сипаттамасын, зиянды өндірістік факторлардың болуын, олардың адам денсаулығына және адам денсаулығына әсер ету дәрежесін ескере отырып, жауапты адамдар айқындайды. оның тіршілік ету ортасы, өндіріс, айналым, орау, таңбалау, кәдеге жарату және жою сатыларында ықтимал қауіптердің болуы, Санитариялық қағидаларға сәйкес зертханалық-аспаптық өлшеулердің ұсынылатын көлемдеріне, өлшемдеріне және кезеңділігіне сәйкес айқындайды;
- Ережеге сәйкес халықтың санитариялық-эпидемиологиялық саламаттылығына қатер төндіретін, жаппай инфекциялық және паразиттік, кәсіптік аурулар мен уланулар объектісінің қызметіне байланысты туындайтын жағдайлар туралы, авариялық жағдайлар, өндірістің тоқтауы, технологиялық процестердің бұзылуы туралы Қазақстан Республикасының халықты, жергілікті атқарушы органдарын, мемлекеттік санитариялық-эпидемиологиялық қызмет органдарын хабардар ету схемалары.
Өндірістік бақылау бағдарламасы нормалау құжаттары талаптарының сақталуын тиімді бақылауды жүзеге асыру үшін жүргізу қажет өзге де іс-шараларды қамтиды.
Бұл ҚР ДСМ 2023 жылғы 7-сәуірдегі №62 бұйрығымен бекітілген «Өндірістік бақылауды жүзеге асыруға қойылатын санитариялық-эпидемиологиялық талаптар» 3 тарауында сипатталған
ҚР ДСМ 2023 жылғы 7-сәуірдегі №62 бұйрығымен бекітілген «Өндірістік бақылауды жүзеге асыруға қойылатын санитариялық-эпидемиологиялық талаптар» 1-қосымшасына сәйкес зертханалық және аспаптық өлшеулердің көлемдері, критерийлері мен жиілігі көрсетілген.
Өндірстік бақылау нәтижелері туралы ақпарат2-қосымшаға сәйкес санитариялық-эпидемиологиялық бақылау органына ұсынады. Ақпарат кезең-кезеңімен ( жарты жылға және бір жылға ұсынылады.
Исатай аудандық санитариялық-эпидемиологиялық
бақылау басқармасының басшысы Б.Картмаганбетова
