Паротит сілекей бездерінің қабынуы мен бет пішінінің өзгеруіне әкелетін жұқпалы ауру.
Паротит 3 жастан 15 жасқа дейінгі балаларда жиі кездеседі, алайда жасөспірімдер мен ересектер де ауыруы мүмкін.
Жұқтырған адамдардың шамамен үштен бірі, соның ішінде балалар инфекцияны асимптоматикалық түрде алып жүреді.
Паротиттен кейін бедеулік, менингит, есту қабілетінің жоғалуы сияқты өте ауыр асқынулар пайда болуы мүмкін.
Паротитті емдеуге арналған дәрі-дәрмектер жоқ. Аурудың алдын алудың жалғыз жолы –балаларды вакцинациялау, ол 1 және 6 жас аралығындағы қызылша мен қызамыққа қарсы профилактикамен бір мезгілде жүргізіледі.
Қызамық вирусы науқастан дені сау адамға ауа арқылы беріледі. Аурудың негізгі белгілері – бөртпе, сондықтан қызамықты көбінесе қызылшамен және бөртпемен бірге жүретін басқа аурулармен шатастырады.
Қызамық әйелдер үшін өте қауіпті, егер ол жүктілік кезінде осы инфекцияны жұқтырса, жүктіліктің алғашқы 3 айы өте қауіпті. Қызамық вирусы ұрыққа қан арқылы беріледі және бұл жағдайда туа біткен қызамық синдромы (SVC) дамиды, бұл кезде түсік түсіру жағдайлардың 50% - на дейін артады немесе 70% жағдайда бала тұрақты бұзылулармен, соның ішінде соқыр, саңырау, жүрек ақаулары, мидың зақымдануы, ақыл-ой дамуының кешеуілдеуімен туады.
Қызамықтың алдын алу үшін әлемнің барлық дерлік елдерінде тиімді және қауіпсіз вакцина жасалды және сәтті қолданылды. Қызамыққа қарсы вакцинация 1 және 6 жастағы қызылшаға және паротитке қарсы бір мезгілде жасалады, ал 15 жастағы балалар қызамыққа қарсы вакцина алады.
Құрметті ата-аналар! Есіңізде болсын! Балаңыздың денсаулығы сіздің қолыңызда. Балаңызға вакцинацияны уақтылы алып, еліміздің дені сау азаматы болып өсуіне мұқият көңіл бөліңіз!
Ирбатырова Гүлназ Абайқызы
Атырау облысының санитариялық-эпидемиологиялық бақылау департаменті басшысының орынбасары
