Санитариялық-қорғау аймағы — бұл өнеркәсіптік, коммуналдық немесе басқа да адам денсаулығына зиян келтіруі мүмкін нысандарды тұрғын және әлеуметтік маңызы бар аймақтардан бөліп тұратын арнайы белгіленген аумақ.
Неліктен СҚА қажет?
• Халық денсаулығын қорғау. Зиянды факторлардың тұрғындарға әсерін азайту.
• Санитарлық талаптарды сақтау. Қауіпті өндірістердің әсерін бақылау.
• Экологиялық қауіпсіздік. Қоршаған ортаның жағдайын тұрақтандыру және аурулардың алдын алу.
Нормативтік құқықтық акт: ҚР Денсаулық сақтау министрінің № DSM-2 бұйрығы
* Қазақстан Республикасында санитариялық-қорғау аймағы 2022 жылғы 11 қаңтардағы Қазақстан Республикасы Денсаулық сақтау министрінің міндетін атқарушының № ҚР ДСМ-2 «Ортаға және адамның денсаулығына әсер ететін объектілердің санитариялық-қорғау аймақтарына санитариялық-эпидемиологиялық талаптар» Санитарлық ережелерін бекіту туралы» бұйрығымен реттеледі.
* Осы бұйрыққа сәйкес, санитариялық-қорғау аймағы өндіріс және объектілердің әртүрлі санаттарының әлеуетті қаупіне байланысты белгіленеді.
Қауіптілік сыныптары және санитариялық-қорғау аймағының көлемі
I сынып Ең қауіпті нысандар (химиялық өндіріс, улы шығарындылар және т.б.) 1000
II сынып Жоғары ластаушы нысандар (металлургия, машина жасау және т.б.) 500
III сынып Орташа қауіпті өндірістер (азық-түлік, тоқыма және т.б.) 300
IV сынып Аз қауіпті нысандар (қоймалар, кішігірім өндірістер) 100
V сынып Практикалық қауіпсіз (кеңселер, сауда, әкімшілік ғимараттар) 50
Санитариялық-қорғау аймағын қалай анықтайды?
1. Нысанның қауіптілік сыныбы технологиялық үдеріс пен қоршаған ортаға әсеріне қарай анықталады.
2. Бұйрық талаптарына сәйкес СҚА радиусы таңдалады.
3. СҚА жобалық және рұқсат құжаттарында бекітіледі, қала құрылысы жоспарларында есепке алынады.
СҚА ережесін бұзғаны үшін жауапкершілік
• Санитариялық талаптарды бұзу әкімшілік немесе қылмыстық жауапкершілікке алып келеді.
• Қоршаған ортаны бақылау және мониторинг жүргізу маңызды.
Санитариялық-қорғау аймағы — тұрғындардың денсаулығын қорғау мен экологияны сақтау үшін қажетті маңызды құрал.
Искакова Айгүл Сабырқызы
Атырау облысының санитариялық-эпидемиологиялық бақылау департаменті басшысының орынбасары
