Зоонозды тері лейшманиозы адамға трансмиссивті жолмен жұғатын ауру. Індеттің тасушысы кеміргіштер, әсіресе үлкен құмтышқандары. Ал оны таратушы үндемес масалар – қаңсорғыш жәндіктер Phlebotomus.
Инкубациялық кезеңі 2-4 аптаға созылып, ауру уақытының ұзақтығы орташа 6 айды құрайды.
Ауырып сауыққан адамдар қайта ауырмайды, иммунитет сақталады. Лейшманиозбен ауырған адамдар өздігінен емдеумен айналысып, дәрігердің көмегіне кеш хабарласады.
Санитарлық-профилактикалық шараларды, оның ішінде репелленттерді қолдану арқылы зоонозды тері лейшманиозының инфекциясынан қорғануға болады. Сонымен қатар, үй-жайларды тасымалдаушылардан қорғау үшін терезелерді торлап, аулалардағы тазалықты қатаң бақылау керек.
Егер теріде бөртпелер мен жаралардың пайда болғанын байқасаңыз, дәрігерге жүгінуге кеңес береміз.
Ирбатырова Гүлназ Абайқызы
Атырау облысының санитариялық-эпидемиологиялық бақылау департаменті басшысының орынбасары
