Бүгін Исатай ауданында ерекше сайыс өтті.
Аудандық жастар ресурстық орталығының қолдауымен, "Алтын тұғыр" қоғамдық қорының мұрындық болуымен "Отбасым - байлығым" жобасының аясында "Ана - отбасы діңгегі" атты жас аналар сайысы ұйымдастырылды.
Төрт турдан тұрған сайыста ауыл келіндері жоғары өнер көрсетіп, көпшілікке керемет кеш сыйлады.
Қорытындыда қамысқалалық Көркем Оразбай бірінші орын иеленсе, екінші орынды аққыстаулық Айнұр Ерғалиева мен Исатай ауылынан келген Айгерім Жетібай еншіледі. Ал, үшінші орын нарындық Мерей Ғабдырешова мен тұщықұдықтық Назерке Қанатоваға бұйырды.
Жеңімпаздар мен жүлдегерлерге дипломдар мен бағалы сыйлықтар табысталды.
Серікбол Панабердиев
