Маржан Төреханова шығармашылық кешін ұстазы Бибігүл Төлегеноваға арнады

Атырауда ҚР еңбек сіңірген қайраткері, Дина Нұрпейісова атындағы академиялық халық аспаптар оркестрінің әншісі Маржан Төреханованың шығармашылық кеші болды,-деп хабарлайды Өңірлік коммуникациялар қызметі.

Романстарды шебер орындаушы, бірегей дауыс иесі Маржан Төреханова шығармашылық кешін Қазақстанның халық әртісі, сахна ханшайымы Бибігүл Төлегенованың 90 жылдығына арнады. Классикалық музыка кешіне Атырау облысының әкімі Нұрлан Ноғаев, зиялы қауым өкілдері мен әлемдік опера классикасы туындылары мен халық әндерін сүйіп тыңдаушылар келді.

d

Құрманғазы атындағы мәдениет сарайының сахнасында итальяндық композитор Джоаккино Россини мен алғашқы қазақ операсының авторы Евгений Брусиловскийдің шығармалары, қазақ, орыс халық әндері, Вена опереттасының композиторы Франц Легардың шығармалары орындалды. Қазақтың ұлы әншісі Бибігүл Төлегенова шараға қатыса алмағанымен атыраулықтарға арнайы бейнежолдау арқылы тілегін жеткізді.

dina1

 Мұндай кәсіби әнші Атырауда ғана емес, батыс өңірінде жоқ. Бұл сөзді шәкіртім болғандықтан айтып отырған жоқпын, шыны сол. Оның дауысына көптеген елдердің сахнасында қошемет көрсетілді. Менен кейін «Бұлбұл» әнін шебер орындады. Бұл оған табиғат берген үлкен талант. Бүгінде шәкірттері ізін жалғап, музыкалық консерваторияда білім алып, елге танылып жүр,- деді Бибігүл Төлегенова. Маржан Төреханованың шығармашылық кешін ұйымдастырушыларға облыс әкімі алғыс айтты. - Бізге осындай керемет кеш сыйлағандарға ризашылығымызды білдіреміз.

dina2

Академиялық халық аспаптары оркестріне, дирижерлер мен жетекшілеріне. Көрермен ғажайып әсер алды деген ойдамын. Бибігүл Төлегенованың шәкірттері еліміздің түкпір-түкпірінде бар. Бұл - үлкен еңбек. Маржанға табыс, талантты да талапты шәкірттер тілеймін,-деп атап өтті Нұрлан Ноғаев.

 

COVID 19

covid

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21