1913 жылдың дәл осы күнінде Орынбор қаласында қазақтың оқығандары мен зиялылары алғашқы жалпыұлттық «Қазақ» газетін жарыққа шығарды. Ахмет Байтұрсынұлы, Әлихан Бөкейхан, Міржақып Дулатұлы бастаған ұлы тұлғалар бұл басылым арқылы ұлт санасын оятты. «Қазақ» газеті – елдің үніне, халықтың мінберіне айналды.
Сол бір тарихи жол бүгін де жалғасып келеді. Ұлттық баспасөздің өмірі – баспаханадан басталады. Ал бүгінде газеттер қалай басылады? Осы сұраққа жауап іздеп, "Атырау-Ақпарат" медиахолдингінің баспаханасына келдік.
