Атырау қаласындағы ХББ НЗМ оқушылары өңір ақындарымен жүздесті.
Анығында, Қазақстан Жазушылар Одағының мүшесі, филология ғылымдарының кандидаты Гүлзада Ниетқалиевамен, өңірдің аяулы ақыны Бақытгүл Бабашпен, Ф.Оңғарсынова атындағы сыйлықтың иегері, ақын Ұлмекен Шаукеновамен кездесулер ұйымдастырылды.
Рухани кеште ақындар өз өмір жолдары мен тың таланттары турасында әңгіме өрбітіп, оқушылармен емін-еркін сұхбаттасты. Әсіресе, шабыт, ақындардың тағдыры, сиясы кеппеген туындылар, өміршең өлеңдерінің шығу тарихы сынды әңгімелер жиылғанджар үшін ерекше әсерлі болды.
Қонақтар түрлі тақырыпты, соның ішінде, қоғамның қазіргі беталысын бағамдап, оқушылардың кітап оқуға деген қызығушылығын, проза-поэзияға жақындығы туралы өз көзқарастарын білідірп, оқырмандарына сүйікті өлең жолдарын арнайы оқып берді.
Рухани кеш әр оқушыға ерекше көңіл-күй, сырлы әсер сыйлады.
