Атырау облысында 600 келіден астам бекіре балықтары тиелген көлікті ұстады.
Бұл жайлы облыстық полиция департаментінің әлеуметтік желідегі ресми парақшасында жарияланды.
«Атырау облыстық полиция департаменті қызметкерлері арнайы жедел операция барысында Құлсары - Сарықамыс тас жолы бойында аса ірі көлемде, жалпы салмағы 600 келіден астам бекіре балықтары тиелген көлікті ұстады.
Сотқа дейінгі тергеп-тексеру ҚР Қылмыстық Кодексiнің 339-бабы "Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу" бойынша жүргізілуде» делінген хабарламада.
Өз тілшіміз