Атырауда «Спецавтобаза» мекемесі қала және ауылдық округ ішіндегі көшелерде қар тазалау жұмыстарын жүргізуде, деп хабарлайды Атырау облысының Өңірлік коммуникациялар қызметі.
- Биыл қаңтар айында қар былтырғы жылмен салыстырғанда екі есе көп жауды.
Қазіргі таңда, қала ішінде 12 трактор, 4 қар тиегіш техника мен 180 адам қар тазалау жұмыстарына жұмылдырылды.
Күніне 250-280 шаршы метр қар қала сыртына шығарылуда. Бүгінгі күнге дейін 4 мың шаршы метр қар қала сыртына шығарылды.
Сондай-ақ, арнайы техника қаңтар айынан бастап жолдың тайғақтығын болдырмас үшін 200 тонна құм аралас тұзды барлық жолдарға сеуіп шықты, деді «Спецавтобаза» мекемесінің басшысы Алмас Ізтлеуов.
