Бұл жайлы Атырау облысы әкімдігінің ресми парақшасында жарияланды.
Биылғы жылы Ұлттық халық санағы қазан айының 1-і мен 30-ы аралығында өтеді.
2020 жылы Қазақстан Республикасының Ұлттық халық санағын өткізу уақыты мен кезеңі шартты екі кезеңнен тұрады. Дайындық кезеңі 1-30 маусым аралығында болады. Бұл кезеңде интервьюерлер үйлерді аралап, онда тұратын тұрғындардың нақты санын анықтайды. Елімізде үшінші реет өткелі отырған халық санағының биылғы ерекшелігі – электронды түрде өтеді. Бұл туралы ӨКҚ – де өткен баспасөз мәслихатында ҚР Ұлттық экономика министрлігі Статистика комитетінің төрағасы Нұрболат Айдапкелов мәлімдеді.
- Биылғы санақтың бір ерекшелігі қағаз-қалам болмайды. Барлығы электронды түрде. Ол үшін 27 мың планшет сатып алынған. Екіншісі, санақшының көмегінсіз, үйде отырып-ақ, арнайы сайтта өз бетімен мәлімет толтыруға болады. Қазіргі таңда Атырау облысында 645 мыңнан аса халық бар. Облыстың санағын жүргізуге 1068 адамды жұмыспен қамтымақ ниеттеміз, - дейді Нұрболат Айдапкелов.
Сондай-ақ, халық санағы кезінде тұрғындарға ыңғайлы болу үшін арнайы сайт қарастырылған. Яғни, әр тұрғын sanaq.gov.kz арқылы сауалнамаға жауап беріп халық санағына қатыса алады. Биылғы халық санағының басты ерекшелігі осында.
