Екі күндік форумға еліміздің 17 облысынан, сондай-ақ Астана, Алматы және Шымкент қалаларынан 100-ден астам оқушы қатысуда.
Іс-шара Мемлекет басшысының тапсырмаларын жүзеге асыру аясында ұйымдастырылып отыр, - деп хабарлайды Өңірлік коммуникациялар қызметі.
Форумды ҚР Оқу-ағарту министрлігінің тапсырмасымен Республикалық қосымша білім беру оқу-әдістемелік орталығының өңірлік филиалы өткізуде
Мұнда қатысушылар түрлі тренингтер мен шеберлік сабақтарына, «Quiz» зияткерлік ойынына, «Лидер-party» жастар дискотекасына қатысады. Одан бөлек «Жетістікке апаратын жол!» атты Talk-шоуда өңірдің танымал тұлғаларымен кездеседі.
Сонымен қатар оқушылар «Білім. Дағды. Тәжірибе», «Мектеп парламенті үшін медиақұралдар: білім беру процесіндегі рөлі мен ықпалы», «Балалардың әлеуметтенуіндегі мектеп парламенттерінің рөлі» сияқты тақырыптар бойынша пікір алмасады.
Форум соңында қатысушыларға сертификаттар мен естелік сыйлықтар табысталады.
