Атыраулық полицейлер қаржы пирамидаларының тұзағына түспеуді ескертеді

Талдау көрсеткендей, алаяқтықпен байланысты қылмыстардың саны артып келеді.

Жыл басынан бері полиция департаментінде алаяқтық қылмысының тек "аса ірі мөлшерде келтірілген залал" түріне қатысты 10-ға жуық деректер тіркелген. Мысалы, желтоқсан айында полиция департаментіне облыс тұрғындарынан ЖШС бірінің директоры ай сайынғы пайыздық мөлшерлемемен ақша қаражатын (активтерді) ұсынған алаяқтық әрекеті туралы 40-тан астам арыз түскен. Жәбірленушілерге 300 миллион теңгеге жуық материалдық залал келтірілген. Бұл ЖШС-ке қатысты осы тектес арыздар жалғасуда.

Полиция қызметкерлері азаматтарды қаржы пирамидаларының тұзағына түсуден сақ болуға шақырады.

Әдетте, мұндай ұйымдар өздерін инвестициялық кәсіпорын ретінде көрсете отырып, акциялар мен облигацияларды сатып алып, жоғары өнімді құрылысқа, зергерлік бұйымдарға салуға уәде береді.

Қаржы пирамидасы - бұл жалған табыс схемасы. Сізге өте жоғары пайыздық мөлшерлемелер, кепілдендірілген табыс ұсынылады және таныстарыңыз бен достарыңызды белсенді түрде тартуды сұрайды. Сақ болыңыз, сіз сәтті деп санайтын инвестициялық компанияңыз қарапайым қаржылық пирамида болуы мүмкін. Қаржы пирамидасының ерекшелігі тез және оңай табыс табуға уәде береді.

Сондай-ақ қаржы пирамидасының белгілері:

- қаражаттың ауқымды сомасын салу қажеттілігі;

- инвестицияларға жоғары қызығушылық, жылдам кері қайтару туралы уәде;

- төлем алу үшін, өз ақшасын салатын таныстарыңызды көптеп тарту;

- компания қаражат жинау қарсаңында тіркелген, оның ең аз жарғылық капиталы және жалғыз құрылтайшысы бар (тіркеуді "салық төлеушілерді іздеу"сервисі арқылы ҚР Қаржы министрлігі Мемлекеттік кірістер комитетінің сайтында тексеруге болады).

- әлеуметтік желілердегі белсенді жарнама, түрлі презентациялар, жүлделердің ұтыс ойындары, сыйлықтар, сапарлар, парақшалар, электрондық пошта арқылы жаппай тарату;

- компания өзін "микроқаржы ұйымы", "кредиттік бюро", "борыштармен күрес жөніндегі бағдарлама", "қаржылық қызметтер орталығы" деп жарнамалайды:

"Сізге банктен бас тартылды ма? Біз көмектесеміз!" "Біз сіздің несиеңізді қайта қаржыландырамыз!" "Қарыздардан құтыл!» - олар қолма-қол ақшаны қабылдайды немесе интернет-төлемдер мен аударымдардың әртүрлі жүйелерін компанияның банктердегі арнайы шоттарын пайдаланбай, қолданады.

Егер сіз қаржы пирамидасының желісінде болсаңыз, не істеу керек?

1) Тағы бір рет жоғарыда көрсетілген белгілер бойынша бұл компанияның "қаржы пирамидасы" екеніне көз жеткізіңіз;

2) Егер сіз бұған сенімді болсаңыз және өз қаражатыңызды қайтарғыңыз келсе, бұл оңай болмайтынын есте сақтаңыз;

3) Егер пирамида схемасы әлі де күшінде болса, компанияға ақшаны қайтаруды талап етіп, ақша сізге қайтарылмаған болса, қылмыстық іс қозғау үшін құқық қорғау органдарына хабарлаңыз.

4) Егер сіз құқық қорғау органдарына өтініш берген болсаңыз, бұл туралы алаяқтарға хабарлаңыз – ақшаны қайтару мүмкіндігі артады.

Қаржы пирамидаларының құрбандарының арасында көп қаражат пен мүлікті жоғалтқан азаматтар аз емес. Көптеген адамдар ақшаны жоғалтуға көніп, ешқандай шара қолданбайды – бұл алаяқтардың адамдарды алдауды жалғастыруына ықпал етеді. Сондықтан үнсіз отырмаңыз, әрекет етіңіз және өз құқығыңызды қорғаңыз!

Қаржылық істеріңізде қырағы болыңыз!

Есте сақтаңыз! Қазақстан Республикасы Қылмыстық кодексінің 217-бабында қаржылық (инвестициялық) пирамиданы құру үшін, яғни тартылған қаражатты қабылданған міндеттемелерді қамтамасыз ететін кәсіпкерлік қызметке пайдаланбай, ақшаны немесе өзге де мүлікті не жеке немесе заңды тұлғалардың ақшасын немесе өзге мүлкiн не оған құқығын қайта бөлу және бiр қатысушыларды басқалардың жарналары есебiнен байыту арқылы осы активтердi тартудан табыс алу (мүлiктiк пайда табу) жөнiндегi қызметті ұйымдастыру, сол сияқты қаржылық (инвестициялық) пирамидаға немесе оның құрылымдық бөлімшесіне басшылық ету үшін қылмыстық жауаптылық көзделген.

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика