Ұлттық статистика бюросының мәліметінше, 2021 жылы Қазақстанда бір қызметкердің орташа айлық жалақысы 2020 жылмен салыстырғанда 17,5%-ға өсті, деп хабарлайды Egemen.kz.
Ұлттық бюрода атап өткендей, жалақының өсуі негізінен тарифтік мөлшерлемелер мен лауазымдық айлықақылардың, сондай-ақ сыйлықақы немесе біржолғы төлем көлемінің ұлғаюы есебінен қамтамасыз етілді.
«Орта есеппен 2021 жылы кәсіпорындар мен ұйымдар қызметкерлерінің тарифтік мөлшерлемелері мен лауазымдық жалақылары 20,3%-ға өсті. Лауазымдық айлықақылардың ең көп өсуі 2021 жылы білім беру және денсаулық сақтау саласында тиісінше 28,1%-ға және 34,4%-ға, сондай-ақ көтерме және бөлшек сауда саласында 25,9%-ға тіркелді», делінген Ұлттық статистика бюросы таратқан хабарламада.
Өнеркәсіп, құрылыс және көлік қызметкерлерінің лауазымдық жалақыларының өсуі 2020 жылғы деңгейден орта есеппен 12-15%-ды құрады. Бұл ретте өнер, ойын-сауық және демалыс, сондай-ақ тамақтану қызметтері қызметкерлерінің лауазымдық жалақысы өзгерген жоқ.
Сондай-ақ өнеркәсіптің, сондай-ақ көлік пен қоймалаудың және көтерме және бөлшек сауданың қаржы және сақтандыру қызметінің қызметкерлерінде еңбекақы төлеудің жоғары деңгейі сыйлықақылар мен біржолғы төлем есебінен үштен бірге қамтамасыз етілетіні көрсетіледі.
egemen.kz
