Конституциялық комиссия отырысында сөз сөйлеген Қазақстан заңгерлер одағының төрағасы Серік Ақылбай мемлекет азаматтарды заңсыз әрекеттер мен шешімдер қаупінен барынша қорғау үшін іс жүргізу заңнамасының тиімділігін жүйелі түрде арттырып отыруы қажет екенін атап өтті.
Оның айтуынша, іс жүргізу нормаларының сапасы мен пәрменділігі азаматтардың құқықтары мен бостандықтарын қорғауда шешуші рөл атқарады. Бұл бағыттағы реформалар құқықтық мемлекет қағидаттарын нығайтып, қоғамның сот жүйесіне деген сенімін арттыруға ықпал етеді.
