Мәжіліс депутаты Асхат Аймағамбетов 2026 жылғы 14 ақпаннан бастап Қазақстанда коучинг қызметінің кәсіби стандарты ресми түрде күшіне енетінін мәлімдеді.
Депутаттың айтуынша, енді кез келген адам өзін «коучпын» деп жариялай салмайды: коучтарда білімі мен біліктілігін растайтын құжаттар болуы және стандартта көрсетілген өзге де талаптарға сай келуі қажет.
Айта кетейік, кәсіби стандарт коучинг саласына қойылатын біліктілік, құзырет және этика талаптарын айқындап, қызмет сапасын арттыру және тұтынушы құқығын қорғау мақсатында енгізіліп отыр.
