Бұдан былай көлікті қайта тіркеу үшін үш ЖСН-ге бір бронь алуға болады.
Бұл туралы "Ұлттық ақпараттық технологиялар" АҚ баспасөз қызметі хабарлады.
Акционерлік қоғам арнайы Халыққа қызмет көрсету орталығымен бірлесіп, кезекті броньдау ісін оңтайландырды.
- Бұдан былай автокөлікті қайта тіркеу үшін кезекті броньдау кезінде сатушының, көлік иесінің (егер автокөлік сенімхат бойынша сатылса) және сатып алушының ЖСН-ін көрсету қажет. Осылайша, әрқайсысы жеке броньмен емес, жүйеге үш ЖСН арқылы бір қызмет алуға тіркеледі, - делінген хабарламада.
Фото: дереккөз