Балалардың қатысуымен орын алатын жол-көлік оқиғаларының алдын-алу мақсатында Исатай аудандық полиция бөлімінің әкімішлік полиция бөлімшесі жол және техникалық инспекция тобы Тұщықұдық ауылы Атырау-Астрахань тас жолы бойында орналасқан Ж.Мырзагалиев мектебі тұсында балалар белгісін (1.21), жаяу жүргінші өткелі белгісін (5.16.1-5.16.2) және жасанды кедергі орнату үшін «ҚазАвтоЖол» АҚ Атырау облысы филиалына 32-нұсқама жіберген болатын.
Алайда, аталған нұсқама уақытылы орындалмай, «ҚазАвтоЖол» АҚ Атырау облысы филиалына ҚР ӘҚБтК-нің 462-бабы 3-бөлігіне сәйкес әкімшілік хаттама жасақталып, жинақталған іс-құжаттар Исатай аудандық сотына жолданды. Сот шешімі бойынша аталған мекемеге 1 млн 725 мың теңге көлемінде (500 айылық есептік көрсеткіш) айыппұл салынды.
Исатай АПБ ӘПБ Жол және техникалық инспекция тобының аға мемлекеттік автоинспекторы полиция капитаны Ғабдиманапов Алтынбек Ғайнетович
