Бүгін 23 қараша күні Қазақстанның экс-президенті, «Nur Otan» партиясының төрағасы Нұрсұлтан Назарбаев партиядағы қызметін қазіргі президент Қасым-Жомарт Тоқаевқа табыстайтынын мәлімдеді.
Назарбаев ел басқару қызметінен кеткеннен кейін «Nur Otan» партиясының төрағасы болып қалды. Назарбаев шешімімен өкілеттілігі Қазақстан президентіне беріледі. «Nur Otan» партиясының ережелеріне сәйкес, Қасым-Жомарт Тоқаев — партиядағы жоғары басшы тұлға. Бұл туралы Айдос Үкібай Twitter парақшасында жазды.
Тағайындау партия ережесіне сәйкес өтетін болады.
Қазақстан президентінің жаңа өкілеттіктері:
- партия қызметіне жалпы басшылықты жүзеге асыру
- партия съезін ашу
- партияның Саяси кеңесі мен бюроның жұмысын басқару
Ұсынуға құқылы:
- Қазақстан Республикасының президенттігіне кандидатты;
- Қазақстан Республикасының премьер-министр қызметіне кандидатты;
- Парламент депутаты кандидаттарын.
Сәуір айында Нұрсұлтан Назарбаев Қазақстан халқы Ассамблеясы төрағалығы өкілеттігін Қасым-Жомарт Тоқаевқа тапсырды. Бұл ретте Нұрсұлтан Назарбаев құрметті төраға болып қала берді.
Ассамблея Төрағасының лауазымдық міндеттеріне қызметтің негізгі бағыттарын айқындау және бекіту кіреді.
Қазақстан халқы Ассамблеясы – мемлекеттік ұлттық саясатты әзірлеуге және іске асыруға ықпал ететін консультативтік кеңесші орган. ҚХА бұрынғы президент Нұрсұлтан Назарбаевтың бастамасымен 1995 жылы құрылған. Ол ҚХА-ны өмір бойы басқаруға құқылы.
kaz.orda.kz