Бұл туралы білім және ғылым министрлігі мәлімдеді. Мектептерге тамақ жеткізетін кәсіпкерлер арасындағы конкурс мемлекеттік сатып алудың бірыңғай порталында электронды форматта өтеді, деп хабарлайды «Хабар 24».
Білім беру мекемелерінің асханасында қолма-қол төлем жүргізілмейді. Оқушыларға онлайн төлем жасауға мүмкіндік жасалады. Әрбір асханада бейнебақылау жүйесі орнатылады. Яғни, ата-аналар тамақты дайындау процесін көре алады. Ал, «Күнделік» электронды ресурсында ас мәзірі мен дайын тағамның суреті жарияланады.
