Аудандық жастар ресурстық орталығының бастамасы және мемлекеттік тапсырысы негізінде «Алтын тұғыр» қоғамдық қорының ұйымдастыруымен кеше Аққыстау ауылында «Отбасы - бақыт мекені» атты семинар-тренинг өтті.

Шара барысында аудан жастары мен жас отбасылар отбасылық құндылықтар, отбасылық кәсіп, кәсіпті жоспарлау, уақытты тиімді пайдалану, психологиялық тұрғыдан баланың ой-санасын қалыптастыру, сол арқылы болашағын қамтамасыз ету, бала тәрбиесінде көңіл бөлінуге тиісті негізгі мәселелер жөнінде мағлұмат алып, семинар-тренинг барысында өз саналарын мазалаған сұрақтармен бөлісті. Әлеуметтік бағыт бойынша ұйымдастырылған шараға аудан әкімінің орынбасары Нұрғайша Абежан келіп арнайы қатысты. Айта кету керек, аталған шарада жастарға тренинг өткізген облысқа танымал кәсіби мамандар Әнуар Жұмабай, Бибігүл Шайхиева, Нұрлан Азаматовтар болды.

ӨЗ ТІЛШІМІЗ