Ұлттық құрылтайдың IV отырысында Мемлекет басшысы жүктеген міндеттерді іске асыру бойынша жұмыстар атқарылу керек.
Президентіміз Қасым-Жомарт Кемелұлы Тоқаев Ұлттық құрылтайдың IV отырысында елімізді дамытуға қатысты өзекті мәселелерге кеңінен тоқталды. Өңірлердің экономикасын өркендету негізгі бағыттардың бірі ретінде белгіленді. Құрылтайда ішкі саясат, идеология, білім беру мәселелеріне де ерекше назар аударылды. Айтылған барлық бастамалар Әділетті, Қауіпсіз, Таза және Қуатты Қазақстан құру идеясын іске асыруға арналған. Осы және басқа да міндеттерді сапалы іске асыру үшін жүйелі әрі тиімді жұмыс істеуіміз керек», – деп Сенат Төрағасы облыстық мәслихат депутаттарын ортақ мақсаттарға қол жеткізу үшін Палатаның заң шығару қызметіне белсенді қатысуға шақырды.
Көтерілген бағыттардың бірі – ауыл шаруашылығы.
Бүгінде Батыс Қазақстан облысы елімізде өнеркәсіп өндірісі, ауыл шаруашылығы, шағын және орта бизнес сияқты маңызды салалардың дамуына үлкен үлес қосып отыр. Түрлі бағдарламалар табысты іске асырылып, өңірдің экономикасы тұрақты өсіп келеді. Биыл 841 млрд теңге инвестиция тартылып, ауыл шаруашылығы, қайта өңдеу, өнеркәсіп, туризм және тағы басқа салалар бойынша ірі жобаларды іске асыру көзделуде. Былтырғы су тасқынының салдарын жоюға және зардап шеккендерге көмек көрсетуге қатысты Президентіміз жүктеген міндеттер жедел орындалғанын да атап өткен жөн. Биыл да су тасқынының алдын алу жұмыстары жүйелі түрде жүргізіліп келеді. Сенат өңірлердің мүддесін қорғайтын Палата ретінде облыстардың дамуына қолдау көрсету бағы¬тындағы жұмысты жалғастыра береді.
Сенат Төрағасы Мәулен Әшімбаев
