«ҚДТ-ға» ерсеңіз, қылмысты боласыз

Арандатуға еріп, 22 ақпан күні шеруге шыққандар жазасыз қалмауы мүмкін.

Егер бұл әрекеттер азаматтардың, ұйымдардың, қоғамның немесе мемлекеттің құқықтары мен заңды мүдделеріне елеулі зиян келтірсе, онда кінәлі адамдар қылмыстық жауапкершілікке тартылады.

Бас прокурордың орынбасары Болат Дембаев қазақстандықтарға үндеу жариялады.

Қадағалау ведомствосы «ҚДТ» экстремистік ұйымының заңсыз митингілеріне қатысу әкімшілік және қылмыстық жауапкершілікке әкеп соқтыратынын хабарлады.

«Бас прокуратура түсіндіру жұмыстарын жүргізгеніне қарамастан, жекелеген адамдар, соның ішінде шетелден, сондай-ақ, тыйым салынған «Қазақстанның демократиялық таңдауы («ҚДТ») экстремистік ұйымының жақтастары әлеуметтік желілерде ел тұрғындарын заңсыз митингілерге қатысуға шақыруын жалғастыруда» деп жазылған Дембаевтың үндеуінде.

Бас прокурордың орынбасары Мұхтар Әбілязовтың билікті күшпен құлатуға және басып алуға, әлеуметтік араздықты қоздыруға жария шақыруына байланысты, «ҚДТ» ұйымы Қазақстанның барлық аумағында экстремистік деп танылып, қызметіне тыйым салынғанын ескертті.

«ҚДТ» экстремистік ұйымы бейбіт ұйым болып табылмайды. Оның қызметіне қатысу Қазақстан Республикасы Қылмыстық кодексінің 258 (экстремистiк әрекетті қаржыландыру және терроризмге не экстремизмге өзге де дем берушілік) және 405-баптарына (экстремизмді жүзеге асыруға байланысты оның қызметіне тыйым салу туралы соттың шешімі бар ұйымның қызметіне қатысу) сәйкес қылмыстық жауапкершілікке әкеп соқтырады.

«Сонымен қатар, олардың осы мақсатта парақшалар, плакаттар және өзге де осындай материалдарды дайындауға және таратуға құқығы жоқ. Аталған ережелерді бұзған ұйымдастырушы Әкімшілік құқық бұзушылық туралы кодекстің 488-бабы, 3-бөлігі бойынша жауапқа тартылады» деп түсіндірді Дембаев.

Басқаша айтқанда, 2020 жылдың 22 ақпанында заңсыз акцияларды ұйымдастырып, өткізгендер үшін әкімшілік ықпал ету шаралары қабылданады. Егер бұл әрекеттер азаматтардың, ұйымдардың, қоғамның немесе мемлекеттің құқықтары мен заңды мүдделеріне елеулі зиян келтірсе, онда кінәлі адамдар қылмыстық жауапкершілікке тартылады.

С.БЕРІКБАЙ

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика