Цифрлық технологиялар мен жасанды интеллекттің қарқынды дамуы жағдайында мұндай құжатты дайындау – аса маңызды әрі уақыт талабы. Кодекс парламентарийлер тарапынан әзірленді (бастамашылардың бірі – Сенат Төрағасының орынбасары Ж.Қ.Асанов).
Мақұлданған нормалар Мемлекет басшысының Жолдауында айтылған елді ауқымды цифрландыруды одан әрі жүзеге асыру үшін құқықтық негіз қалыптастырады.
📄 Кодекске төмендегідей бірқатар маңызды ережелер енгізілген:
🔹 Цифрлық заңнаманың бірыңғай қағидаттары
Кодекс цифрлық саланы реттеудің мақсаттарын, міндеттері мен негізгі қағидаттарын айқындап, цифрлық трансформацияның тұтас құқықтық негізін қалыптастырады.
🔹 Цифрлық объектілердің құқықтық режимі
Цифрлық объектілердің түрлері белгіленеді, оның ішінде цифрлық деректер, цифрлық активтер, цифрлық ресурстар, бағдарламалық қамтамасыз ету, цифрлық жүйелер мен платформалар бар.
🔹 Цифрлық ортаға қатысушылардың құқықтары мен міндеттері
Азаматтардың цифрлық құқықтары, соның ішінде цифрлық сәйкестендіруді қорғау құқығы, сондай-ақ цифрлық қатынастар субъектілерінің міндеттері бекітіледі.
🔹 Цифрлық сәйкестендіру және биометрия
Цифрлық және биометриялық аутентификация мәселелері, сондай-ақ цифрлық деректердің идентификаторларын пайдалану тәртібі реттеледі.
🔹 Цифрлық мемлекеттік басқару
Кодекс цифрлық мемлекеттік басқарудың құқықтық негіздерін, оның ішінде мемлекеттің цифрлық архитектурасын және «цифрлық үкіметті» дамыту мәселелерін айқындайды.
🔹 Жаңа технологиялар және деректер қауіпсіздігі
Смарт-келісімшарттарды, таратылған жүйелерді, автоматтандырылған шешімдерді реттеу, сондай-ақ цифрлық деректерді қорғау және киберқауіпсіздікті қамтамасыз ету шаралары көзделген.
