«Сергек» сегіз күнде 42 млн. теңге тапқан

Қала көшелеріне «Сергек» камералары орнатылғалы көлік жүргізушілері жол ережесіне сергек қарайтын болды.

Өйткені қырағы көз «бақылаушы» тәртіп бұзған қай автокөлікті де қалт жібермейді. Ереже бұздың ба, ежіктеп түсіндіріп тұратын жол полициясы емес, қатал құрылғының «қаһарына» ұшырайсыз. «Аһ» ұрып айыппұл арқалайсыз, мемлекеттің қалтасын қампайтасыз.

Қалта қаймпайтады демекші, қолданысқа енгізілгелі бері көп уақыт болмаған құрылғы аз күннің өзінде қыруар қаржы «жинапты». Мәселен, Оңтүстік астанамыз Алматы қаласында жаңадан іске қосылған 400 "Сергек" камералары 42 млн. теңгеге айыппұл салған.

BAQ.KZ сайтынан білуімізше, қалада 8 күннің ішінде 2564 жол ережесін бұзу фактісі тіркеліп, оларға жалпы сомасы 42 010 397 теңге айыппұл салынған. «Әкімшілік құқықбұзушылықтар көбіне жылдамдықты асырумен баланысты (сағатына 10-20, 20-40 және 40-тан аса шақырым). Полицейлер жүргізушілер жол бойындағы жол қозғалысы ережелерінде бекітілген талаптарға назар аудармайтынын да атап өтті» делінген хабарламада.

Айта кетейік, "Сергек" бағдарламалық кешені жылдамдықты асыру, бағдаршамның қызыл түсіне өту, жол белгілерін сақтамау, көлікті тұраққа қою ережелерін бұзу және қоғамдық көлік жолағына заңсыз шығып кету сынды құқық бұзушылықтарды тіркейді.

Серікбол ПАНАБЕРДИЕВ

COVID 19

covid

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика