Жыл аяқталар тұста «Атырау-Ақпарат» ЖШС ұжымында онлайн жиналыс өтті.
Жылдық қорытынды жиында медиахолдинг төрағасы Ысқақ Егембердиев атқарылған жұмыстарға және қол жеткізген табыстар мен есте қаларлық елеулі оқиғаларға тоқталды.
Сондай-ақ ол алдағы 2021 жылы да аймақтағы баспасөз саласы бойынша көптеген жұмыстар жүзеге асырылмақшы екенін тілге тиек етті. Жиын соңында «Атырау-Ақпарат» басшысы басын қауіп-қатерге тігіп, әлемге үрей туғызған індеттен халықты сақтандыру мақсатында күндіз-түні ақпаратпен үздіксіз қамтамасыз етуде зор үлес қосып жүрген әріптестерін Жаңа жылмен құттықтай отырып, журналистер, техникалық және баспахана қызметкерлері арасынан үздіктерді анықтап, марапаттар тапсырды.
Қазақстан Журналистер Одағының мүшесі, аудандық «Нарын таңы» газетінің тілшісі Серікбол Панабердиев жыл қорытындысы бойынша тілшілер арасында «Атырау-Ақпарат «Жыл үздігі - 2020» атанды.
Әріптесімізді редакция ұжымы атынан марапатымен құттықтап, биік белестерден көріне беруіне шын жүректен тілектестік білдіреміз.
Аяпберген САЛИХОВ
