Бүгін, 5 қазаннан бастап Түркияға әуесапарлар саны қысқартылады.
Бұл туралы aikyn.kz сайты хабарлайды. Сондай-ақ онда өзге елдерге де жаңа рейстер қосылмайтындығы жазылған. Коронавирустың таралуы бойынша екінші санаттағы елдерден келетін жолушылардың қолында тест қорытындысы болуы тиіс екен.
«Анықтаманың жарамдылығы небәрі 3 күн. Егер мерзімі өтіп кеткен болса, жолаушы 2 күнге оқшауланады. Стационарда қажетті сынама тапсырады. Оң нәтиже көрсеткен жағдайда инфекциялық ауруханаға жатқызылады.
Еуразиялық экономикалық одақ аясындағы елдер мен Өзбекстаннан көлікпен келетін жолаушыларға да осындай талап қойылады. Олар шекарадағы бақылау-өткізу пункттерінде тексеріледі» делінген мақалада.
Сурет: ашық дереккөзден