41433 әскери бөлімінің әскери қызметшілері "Жан Еркемай-Атырау" қоғамдық қорының ерекше қажеттіліктері бар балаларға арналған орталығында болды.
Балаларды келе жатқан Наурыз мерекесімен құттықтай отырып, әскери бөлім командирінің тәрбие және идеологиялық жұмыс жөніндегі орынбасары подполковник Мейрам Қаппасов, әскери қызметшілердің отбасы мүшелерімен жұмысты ұйымдастыру қызметінің бастығы Дарья Шөкенова және әскери қызметші әйелдер оларға тәттілер мен сыйлықтар табыс етті.
– Бұл жай ғана Орталық емес – бұл балалар мен олардың ата-аналарына көмектесу үшін салынған мекеме, - деді Қоғамдық қордың басшысы Әлия Кубаева.
- Сіздер біздің ғана емес, жалпы Отанымыздың қорғаушыларысыздар.Алтындай уақыттың тығыздығына қарамастан, сіз бізді қолдауға уақыт бөлгеніңізге, жас тәрбиеленушілерімізбен жақсылық пен жылулықпен бөліскеніңізге, оларға жағымды эмоциялар бергеніңізге рахмет.
Әскери қызметшілер оңалту орталығына бару мүмкіндігіне өте қуанышты екенін мойындайды, өйткені балалар өзара жауап береді. Балалар мен әскери қызметшілердің қарым – қатынасы жақсы болып,тез тіл табысып кетті.Тіпті, ән де айтып, би де биледі.
- Балаларды назардан тыс қалдырмауға тырысамыз. Біз оларға мерекелік көңіл – күй сыйладық деп үміттенеміз, - деді 41433 әскери бөлімі командирінің тәрбие және идеологиялық жұмыс жөніндегі орынбасары подполковник Мейрам Каппасов.
Айта кетейік, Атырау гарнизонының жеке құрамы балалар және де қарттар үйлеріне сондай-ақ, оңалту орталықтарына үнемі келіп тұрады.
