Жаңа Конституция жобасы – қоғамның даму бағытын айқындайтын маңызды құжат. Ондағы өзгерістер мемлекет пен азамат арасындағы өзара жауапкершілікті күшейтіп, әр адамның құқығы мен бостандығын қорғауға бағытталғаны анық байқалады. Бұл — құқықтық мемлекетті нығайтуға жасалған нақты қадам.
Құжатта билік тармақтарының тепе-теңдігін сақтау, шешім қабылдау үдерісінің ашықтығын арттыру және қоғамдық бақылауды күшейту секілді нормалардың көрініс табуы азаматтардың мемлекеттік басқаруға деген сенімін арттырады. Мұндай өзгерістер елдегі тұрақтылықты сақтап қана қоймай, дамудың жаңа мүмкіндіктерін ашады.
Сонымен қатар, әлеуметтік әділеттілік қағидаттарының күшеюі, халықтың әл-ауқатын арттыруға бағытталған нормалардың енгізілуі — реформалардың нақты адам өміріне әсер ететінін көрсетеді. Әсіресе жастардың мүмкіндіктерін кеңейту, отбасы институтын қолдау және қауіпсіз қоғам қалыптастыру мәселелеріне назар аударылуы маңызды.
Осы тұрғыдан алғанда, жаңа Конституция — тек заңнамалық өзгеріс емес, елдің болашақ даму бағдарына айналатын құндылықтық құжат. Оны әділ әрі жауапты қоғам қалыптастыруға бағытталған маңызды тарихи қадам деп қабылдаймын.
Өтеп МАНСЫРОВ,
Шаруагер
Қамысқала ауылдық округі
