Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауы – әсіресе жастар үшін үлкен маңызы бар маңызды құжат. Президенттің айтуынша, жасанды интеллект пен цифрлық технологиялар заманы жастарға жаңа мүмкіндіктер есігін ашады, олардың білім алу, шығармашылықпен айналысу және кәсіпкерлік әлеуетін арттыру жолында маңызды рөл атқарады.
Жастар үшін бұл – өздерін кәсіби және интеллектуалды жағынан жетілдіруге, заманауи дағдыларды меңгеруге мүмкіндік. Мемлекет басшысы атап өткендей, жаңа технологияларды тиімді пайдалану арқылы жастар инновациялық жобаларды жүзеге асыра алады, стартаптар құрып, цифрлық экономикада белсенділік таныта алады. Сонымен қатар, цифрлық сауаттылықты арттыру – білім мен ақпаратқа қол жеткізудің жаңа деңгейін қамтамасыз етеді.
Жолдаудағы тапсырмалар жастарды тек жаңа технологияларды меңгеруге ғана емес, сонымен қатар әлеуметтік жауапкершілікке де шақырады. Әрбір жасөспірім мен студент өз елінің дамуына үлес қосып, цифрлық шешімдерді қоғамның игілігіне пайдалануға дайын болуы керек. Бұл Жолдау жастар үшін тек бағыт-бағдар емес, сонымен қатар әрекетке шақыратын нақты бағдарлама іспетті.
Нұрдаулет Серікқалиұлы,
Исатай аудандық Жастар ресурстық орталығының басшысы
