Бүгін Исатай ауданы, Х.Ерғалиев ауылының тумасы Аслан Қайрушевқа ҚР спорт шеберлігіне үміткер атағы берілді.
Оны Мүгедектер спорт клубының директоры Аманбай Қыздарбаев табыстады. Бұл хабарды параспортшының өзінен білдік.
- Бүгін осындай атаққа ие лайықтылардың бірі болып, қуанып жатырмыз. Алла қаласа, тамыз айында Азия чемпионаты өтеді. Бар ойымыз бен ынта-жігерміз - сол байрақты бәсекеде, - дейді Аслан.
Естеріңізге сала кетсек, Аслан Қайрушев Алматы облысы, Талғар ауданында мүмкіндігі шектеулі спортшылар арасында өткен ел чемпионатында күміс жүлдеге ие болған еді.
Серікбол ПАНАБЕРДИЕВ.
