Еңбек ардагеріне арналған еске алу турнирі өтті

Аққыстаудағы орталық спорт кешенінде волейболдан оқушылар арасындағы облыстық ашық турнир өтті.

Аталмыш спорттық дода Екі мәрте Еңбек Қызыл Ту орденінің, сондай-ақ Октябрь революциясы орденінің иегері, кезінде Бүкілодақтық халық шаруашылығы көрмесінің алтын, күміс медальдарымен марапатталған тұщықұдықтық белгілі малбегі Мұхси Досқалиевты еске алуға арналды. Ерен еңбек иесінің ұрпақтары демеушілік етіп, Исатай аудандық білім бөлімі «Барыс» балалар-жасөспірімдер денешынықтыру даярлық клубының ұйытқы болуымен екі күнге созылған бұқаралық шараның ашылуында сөз алған ауданның Құрметті азаматтары Жұмажан Қадимов пен Сайпеден Сидағалиев Мұхси Досқалиұлының азаматтық тұлғасы, қандайма құрметке де лайық болған елеулі еңбегі хақында сөз қозғап, осындай өнегелі бір іс қылып отырған ұрпақтарына алғыс сезімдерін білдірді, Құрманғазы, Жылыой, Мақат, Индер, Қызылқоға және өз ауданымыздан қатысып отырған командаларға сәттіліктер тілесті.

muhsi-turnir1

Елге елеулі қызмет еткен аға буын өкілдерінің есімін кеңінен насихаттап, ұрпақ санасына сіңіруді, жас ұрпақты салауатты өмір салтына бейімдеуді, оқушылар арасындағы достық қарым-қатынасты нығайтуды мақсат тұтқан турнир жексенбі күні мәресіне жетті. Сөйтіп, алты команда қатысқан жарыста бірінші орынды (150 мың теңге) индерліктер иеленіп, екінші орын (100 мың теңге) құрманғазылықтардың еншісіне тиді, ал үшінші орын (50 мың теңге) исатайлықтарға бұйырды. Турнирдің үздік ойыншылары танылған Сабырхан Елемесов (Исатай), Аңсар Тілеков (Индер), Мәлік Әділбек (Құрманғазы) арнайы дипломдармен, бағалы сыйлықтармен марапатталды. Сондай-ақ үздік төрешілерге де алғыс білдірілгенін айта кету лазым.

Жоламан ДӘУЛЕТИЯР

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар
министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы,
Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68,
2-01-52, факс 2-01-68.

Электронды пошта: naryn_tany2009@mail.ru

Яндекс.Метрика